.jpg)
India kum 75 tlin lawmna chikhat atan kum kalta khan In tinah Ram puanzar zar beihpui thlak a ni a, he Har Ghar Tiranga hi kumin ah pawh kalpui leh mek a ni.
Ram puanzar zar hi sawiseltuten pawmawm tak takin sawisel mahse, Central Sorkarin tul a ti a, hmalakna kalpui a nih vangin ram mipuiten an zar a ngai a, he hmalakna hi hnam a chiangtura mipui rilru herremna, ram leh hnam hmangaihna mipui thinlunga tuhtharna hmanrua a ni a, hmalakna thatak chu a ni phawt mai.
Mizote hi inti Indian hleitheilo, India rama awmlo thei ngawt silo kan ni a, chutiang deuh bawk chuan ADC te hi mahni awmna State a inthlunngheh harsa ti, State enkawlna hnuaia awmlo thei silo an ni bawk a, helam hi chu ram kalphungin a kentel a nih vangin helaia sawichiam hian awmzia a neithui lo maithei e.
Hetia Har Ghar Tiranga hmalakna beihpui thlak a nih rual hian India ti India tu chu mipui an ni a, mipui chu hnam hrang hrangin a siam niin, mahni hnam theuh, hnawksak silova chawivul a hmangaihna atangin India nuam zawk a hring chhuak dawn.
ADC Area a awmte pawh hi Har Ghar Tiranga beihpuithlakna hian minkaiharh se, tuna kan thlenchin atang hian Ram leh Hnam hmangaihna thinlungah tlemte tal hma minsawntir se, kan ngaihtuahnain India ram pum a thlengphalo deuh a nih pawn, kan District, kan khua leh kan veng tal veithar nan hmang ila, hnam rilru mipui a intuh nghehna hmanrua atan Har Ghar Tiranga hi i hmang tangkai ang u.