LIKBKTP hnuaia Ruihhlo do campaign kalpui tura din Amos Operation Team leh Education & Human Resources Department (MS) LADC ten ruihhlo do chungchanga thawhdunna (MoU) an ziak bawhzui in vawiin 18th Aug, 2023 chawhnu khan LADC hnuaia Middle School pali Model English School, Bazar Middle School, Electric Veng Middle School leh Rosebud Middle School zirlai te tan Central Young Lai Association Hall-ah Ruihhlo ṭhat lohna inzirtirna (Awareness Campaign) neih a ni.
He hun hi Rbt. Zomuanpuia, Convener, Amos Opeation Team-in kaihruaiin, Rbt. Hc. Lalreia, Treasurer LIKBKTP in hunserh a hmang a, Pu F. Lalhmachhuana, Elementary Education Officer LADC leh Central YLA aiawh Pu T. Rohlupuia, Fin. Secy. CYLA ten zirlai kalkhawm te hnenah fuihna thuchah an sawi.
Awareness Campaign hi hun hnih ah then niin, Resource Person Pu Jonathan H. Lalrempuia leh Nl. F. Lalengvari Amos Opeartion Team member-te hnen aṭangin ruihhlo that lohna zirtirna power point presentation hmangin neih a ni a, Rbt. Israel VL. Muanawma, Amos Operation Team member hnen aṭangin Testimony ngaihthlak a ni bawk.
School naupang kalkhawm te hi ruihhlo ti lo tura intiamna neih tir niin, Awareness Campaign ah hian School naupangte leh zirtirtute te an kal ṭha hle.