By-election hi LADC hnuaia VC 7-a general seat 7 leh reserved seat 1 hnawh khahna tur a ruahman a ni a. LADC huam chhungah -Nghalimlui, Dumzautlang, Kakichhuah, Chamdurtlang-II, Electric Veng Lawngtlai leh Lawngtlai Bazar-ah te general seat 1 theuh hnawh khah tur awmin, Kawnkhua-ah general leh reserved seat 1 ve ve a awm
Inthlanna a chuhtumte tan August 1, 2023 thleng hming a pekluhtheih dawn a, hming pekluhte August 2, 2023 ah endik a ni anga, chuhtuma hmingpelut, endikna paltlang, inhnukdawk duh tan August 4, 2023 thleng hun hawn a ni a, mipuiten August 22, 2023 zing dar 7 atanga tlai dar 5 inkar ah vote an thlak anga, Vote tlate hi chhiar nghal a ni dawn a, inthlanthat ngai a awm chuan August 23, 2023 ah inthlanthat a ni anga, inthlanna pumpui hi August 25, 2023 a zawhfel turin State Election Commission chuan a ruahman.