Bualpui 'Ng' ah Zo hnahthlakte thlavang hauhna kawngzawh huaihawt ani.

Bualpui NG, Lawngtlai District ah vawiin khan JOIN NGOs (YLA, LWA, MHIP, MUP) huaihawtin Manipur a Zohnahthlak   te Thlavang Hauhnan kawngzawh ani

Manipur State a Zohnathlak, nunna chan leh harsatna hrang hrang tawk te thlangvang hauhna leh tawrhpuina kawng zawh  chu YLA, Bualpui (Ng) Sub-Hqrs ṭhuthmun, Bualpui (Ng) a YLA, LWA, MHIP, MUP ten huaihawtin,  Bualpui (Ng) Bazar  ah  : Pu. N. Lalrammawia Vice President, YLA Bualpui (Ng) Sub-Hqrs kaihhruaina hnuai ah Rev. Lalhruaia Chenkual, BCM, Bialtu Pastor, Phawngpui South Pastor Bial  in hunserh hmangin, Manipur buainaa Zohnahthlak  nunna chan te sunna hun hman a ni a,  Upa. C. Lalduhawma, Adviser, YLA, Bualpui (Ng) Sub-Hqrs & LWA Bualpui (Ng) Branch in Manipur State a Zohnathlakte tan tawngtaina hun a hmang.

Bualpui Ng Bazar aṭanga kawngzawh hi ṭan in, Mipui ten Manipur buaina  a tlangmite chunga hleilenna thleng an duhloh thu te, buaina reh se an duh thu te thuziak kengin  Bualpui (Ng) Outpost bulah Pi. Zothannguri President, LWA, Sub-Hqrs : Bualpui (Ng) in thu a sawi a. Bualpui Ng Outpost aṭangin Suakkunga Road ah kawng zawh hi chhunzawm leh niin, BCM Biak In bulah Pi. Lalbiaktlawmi Vice President, MHIP Bualpui (Ng) Branch in thu a sawi a. BCM Biak In bul aṭangin Bazar ah chhuk thla lehin, hetah hian Pu. C. Vanlalsanga President, YLA, Bualpui (Ng) Branch-I in thu sawiin kawngzawha telte an a huhovin an tawngtai a,   Pu. Lalzidinga Chinzah, Secretary, YLA, Bualpui (Ng) Sub-Hqrs chuan kalkhawmte hnen a lawmthu sawina neiin, Thlavang hauhna kawngzawh hi tihtawp a ni.