KVK Lawngtlai in Millets Recipe Test an buatsaih.

Vawiin khan  KVK Lawngtlai chuan “ International Year of Millet” den chhen in “Millets Recipe Test “ KVK Lawngtlai hmunpui Chawnhu ah a buatsaih .

He hun kaihruaitu  Dr. C.Lalfakawma, Senior Scientist and Head KVK Lawngtlai chuan  loneitu kalkhawm te hnenah kumin hi khawvel pumah Buhtun chin uar kum International Year of Millet atan hman a nih thu sawiin India ram pawhin state hrang hrang ah Buhtun ching uar tur leh ei tam tura hmalakna uar takin a kalpui mek a ti a, KVK Lawngtlai chuan nikum lam ah hlawhtling takin Buhtun an lo chin chhin tawh thu leh kumin ah pawh Buhtun chi hrang hrang an chin chhinmek thu a sawi

Buhtun atanga eitur siamchhuah phochhuah leh enfiahna neih ah hian   KVK Mithiam te   bakah loneitu, hmeichhia   ten Buhtun hmanga an thilsiam hrang hrang, chi 36 lai phochhuah  ani, Buhtun hmanga eitur chi hrang hrang  siamchhuah te hi   uluktakin endik a ni a,a titha zualte hnen ah  lawmman hlan an ni

He hun hi Pi Vanlalngaii, ADAO Lawngtlai chuan hmanpuiin Lawngtlai District chhungah Buhtun ching tur mi engemaw zat an awm thu   leh hmalakna kalpui zel a nih tur  sawiin Buhtun chu chaw hrisel, chakna paitam a ni a, ei tura sawngbawl chu thil pawimawh tak anih thu a sawi. 

Pu C. Rualthankhuma Subject Matter Specialist, Agronomy leh Pi Vanlalruati Subject Matter Specialist, Home Science, KVK Lawngtlai ten   Buhtun chin dan tur leh sawngbawl dan kalkhawmte an zirtir.