14th.Mizoram Rifle Association Shooting championship neih zawh takah Lawngtlai shooter kal ten medal 11 an hawn chu Lawngtlai District Rifle Association chuan nimin khan Teachers Inn Lawngtlai ah lawmna hun hmangin, infuihtharna hun an buatsaih.
14th.Mizoram Rifle Association Shooting championship hi June Ni 28-30 chhung khan Aizawlah neih a ni a, Lawngtlai District Rifle Association chuan District aiawh tur hian mi 16 an tir chhuak a, heng zinga 11 te chuan medal an hawn a, an zing pathum Malsawmsangi, Pu Lalhlunpuia Chandmary fanu, Cindy B Lalchansangi, Pu B Zirchungnunga, Chandmary Fanu, Grace Malsawmropuii , Pu Vanlalnghakhlela Chandmary fanu te chu North East level, shillong a inelna ah August thla hian an kal dawn.
Lawngtlai District Rifle Association chuan Silai kah chu infiamna nuam leh hlimawm a nih thu an sawi a, Silai te chu nungchate suat nan hmang lova, tangkai zawka hman a nihtheih nan Silai kah intihsiakna pawh vawi engemawzat an buatsaih tawh thu an sawi.
Tags
News