Editorial || RAM TAN MAHNI ZAWN AH HMALAK A PAWIMAWH.

  State intodelhlo hnuaiah, District Council neiin kan awm a, Mizorama ADC Area chu a la hnufual bik tih pawh phat rualloha chiang a ni a, hmasawnna hna hi kal reng mahse, mamawh a tama, duhkhawp hmasawnna erawh a la hla viauin a hriat a, heng hmasawnna hrang hrang a kalrual hian ram inrelbawlna ah dinhmun awmzenei leh sang zawk mamawhna a lian hle tih chu ADC mipuite aia hrechiangtu an awmin a rinawmloh a, heivang hian Direct Finance hming pawh hi thangkhat lian zet chu chiang taka hrefo tute kan ni awm e.

Politics mualah hnam anga dinchhuahna tur chu eng Party pawn veiber ah an neih a tul a, Delhi khuangben ruala lam kher tumlo tura kan inzirtir rual hian, Aizawl sukthlek mila kalve zel pawh a tulna chin leh tullemlohna lai a tam thei viauin a rinawm.

ADC ten dinhmun sang zawk an neihtheih nan Party pakhat chuan hmalakna a kalpui mek a, hengte hi kan thlawp theilo a nih pawn keimahni hi chuan an phurna ti hnual zawng emaw in tawngkam nei lo ila, beiseina nen a ram tana hmalatuten an lakna hi thlir mai ila, an hlawhtling a nih chuan kan vai tan a ni a, Politics muala hmalakna a ni a, an lo hlawhchham a nih pawn, kan dinhmun hniam phahna tur a awm lem lova, hnam thila hmalakna hi kan intawiawm hreh emaw theilo a nih pawn, a chhung atanga sawihnawmna lam hawi awm thin hi a fuh lova, heihian tute Party emaw sawimawi tumna ah Party tuinuin a buatat ho chuan kaihlek hram an tum in a rinawm a, heitak hi kan kalpelh hun hun ah hmasawnna awmzenei zawk hi kan neithei in a rinawm.

Ram tan mahni zawn theuhah hma la ila, chu tanrualna chuan rah duhawm tak a hring chhuak ngei ang.