Electoral Roll siamthartur chungchang ah Meeting neih ani.

Mizoram State Assembly inthlanpui neiha hmantur Electoral Roll siamthar tur chungchang ah vawiin khan Lawngtlai District a Political Party hrang hrang, Tlawmngai pawl, Kohhran Hruaitute leh Chanchinbumite, Deputy District Election Officer Pu Abraham Beirazi Khithie hovin a office chamber-ah an ṭhu khawm.

Pu Abraham Beirazi Khithie chuan inthlanna felfai leh thianghlim a awmtheih nan Electoral Roll dik leh rintlak neih a pawimawh tih sawiin, thlaleh August ni 2 atangin Electoral Roll thar siam turah thunluh ngai, paih ngai leh siamthat ngaite tan thehluhna hun hawn a ni dawn a, hetah hian Political Party, Tlawmngai pawl leh Kohhran ten thahnemngai taka hmalakna an kalpui chuan Electoral Roll dik leh rintlak neihna atan kawngro a su hle dawn a ni, a ti. Electoral Roll siamthar turah hian thun, paih leh siamthat ngaite tan August thla chhung hun hawn a ni dawn a, Electoral Roll thar chu October 4, 2023 ah tlangzarh tur a ruahman a ni.

Election Officer Pu Denny Lalchhuanawma chuan Booth Level Agent te nihphung leh an tihturte a sawifiaha, Booth Level Agent te chu BLO te puitu tangkai tak an nih rualin, Electoral Roll a thunleh paih chungchang ah pawh an tangkai hle dawn a ni a ti a, Booth Level Agent te chu Political Party ten Vote an neihna Polling Station huamchhunga mi ngei an ruat a ngaih thu a sawi.

Meeting a telte chuan hriatthiamloh leh hmalakna atana tul ni a an hriatte an sawi a, Lawngtlai District a raltlan thahnemtak an awmmek vangin Electoral Roll siamthar turah tumdang zawng aia fimkhur a ngaihthu sawilan a ni bawk.