.jpg)
Ruihhlo a hluar nasatzia chu sawithui ngailovin mitin hriatsa a ni a, a bikin damdawi ruihnana hmanchiin Lawngtlai khawpui leh District a chiahhnehzia pawh haider theih a nilova, mipui mang a anga, Central YLA chuan ruihhlo dotur in DRS a din a, an hmalakna hi Social Media lamah tarlan a ni deuh reng a, DRS vanga ruihhlovin kan khawpui leh District a kiansan hret hret dan pawh chik duh tan chuan haitheih a nilovang.
DRS hian ruihhlo chauh an daplova, an chetvelna vanga khawpui a ralmuan sawt ziate pawh sawitham a tling.
DRS hmalakna leh a nghawng tamtak karah hian, DRS te hian tanpui an ngaihna laite, an tha tichak tura a titheite penchhuah a tulziate hi hriatthar atan a tha a, Central YLA chu tlawmngaipawl a ni a, nang leh kei hian tha thawhin emaw sum leh paiin vur miahlo pawh ni ila, rimtakin a hnuaia Ruihhlo dotute chuan ei leh in, mut leh chawlh hunbi pawh neilovin an tha an thlah hauh lovang.
Mahse, DRS te hi mihring vebawk, tlawmngaia thawk an ni a, mi an tlawmngaia an inpe alawm tih vang ngawt a ngaihthataka lo awm hi mipui lam tihtur erawh a ni hauh silo.
Ruihhlo chi hrang hrang hlauhawm tak takin minrun chhunzawmzel dawn, Sorkar tha a chaktawklo tih chu hriatsa a ni, DRS hi a chak deuh deuh loh chuan kan invenzawhloh leh vensenloh hun a thleng thuai dawn tih a chianga, an tha tichak turin, an nin beiseiin phut miahlo mahse, a nachang hriate tan tan lakpui theihna kawng dapa, kan theihna zawn theuhvah DRS lam hawi hi thil tul tak ani.