Manipur a tlangmite thlavang hauhna kawngzawh vawiin khan Lawngtlai ah neih a ni

Lawngtlai a Tlawmngai pawl hrang hrang te huaihawtin vawiin khan Manipur buaina a Tlangmite thlavang hauhna kawngzawh, Lawngtlai ah neih a ni a, Lawngtlai khawpui chhung Veng  hrang hrang atangin mipui ten Areopagy pankhawmin kawng tluanin kawngzawha telte chuan Manipur a hleilenna thlengmek an dem thute, remna leh muanna awm se an duh thute, hmeichhiate rahbeh a, rawngtaka an chunga chetna thleng an dem thute thuziak kengin an aupui a, Lawngtlai Bazar Venga Areopagy ah inkhawm tawi buatsaih a ni.

Manipura tharum thawhna thleng vanga tlangmite thlavang hauhna ah hian Young Lai Association, Lai Women Association leh MHIP aiawh ten thusawiin, Manipur a hleilenna rapthlaktak thleng an dem thu uartakin an sawi a, Central Sorkar leh Manipur Sorkar chu tharum thawhna titawp tura an duh thu leh Kristian te tawrhna chu India danpui bawhchhiatna a nih thute sawilan a ni.

Vawiin a Lawngtlai a Manipura tlangmite thlavang hauhna kawngzawh ah hian tanpuina bawm dawh a ni a, he hun a telten a huhovin Pathian auvin, Manipur a tharum thawhna a tawptheih nan Pathian hnen ah an dil.