He hun ah hian LADC a Information & Public Relations Officer Pu C. Lawmsangzuala chuan Social Media hmandan ah mitinten zirtur kan ngah tih sawiin, thlitfimloh chanchinthar chhawpchhuah nasat chuan inunauna a tichhe thei a ni a ti a, Social Media thangchak chak karah Chanchinbumiten an rintlakna chu vawngnung zelse a duh thu sawiin, mipui lam pawn Chanchinbumite rintlakna leh hlutna hretharse a duh thu a sawi. Chanchin thar hriat chakin kan tuihal a, a dik emaw dik lo emaw thliar hmasa lovin, kan ring leh mai thin a, hei hian chhungkua, khawtlangah thil duhawm lo a thlen thei thin, a ti a. Thu thar hmasa apiang bawh mai lova, Journalist te thuchhuak ngaihchan thiam a pawimawh a ti.
Lawngtlai District MJA President Pu Lalngheta Ralte chuan, I&PR Department in Sorkar thu an puanzar thinte dahluhnatur, website emaw blogspot emaw nei se a duh thu sawiin, LADC Press Release te hi chanchinbute mai bakah zirlai leh mipuite pawn hian an lo hai chhuah zung zung theih a pawimawh a ni, a ti a. LADC sorkarin MJA te kawng kawng hrang hranga a duhsakna ah District MJA te an lawm takzet tih sawiin, thahwhona thatak neihzel an duh thu a sawi bawk.