.jpg)
Social Media / New Media hian minrun hneh khawp mai, Mizoram State Assembly a mipui aiawha roreltute thleng hian he thil hian an nunphung a hersak tih a chianga, hnam nunzemawi, rorelna dawhkan zahawmna Mizo Kristian zia paihthlak a ni hret hret a, tawngkam dengkhawng leh at anso ta emaw tihmaitur thlengin hriattur a awm a, heihi Social Media nghawng chhuah a ni. An chanthatna lai ni a langte thehdarhin mipuiah tlaknat phah na hmanraw pakhat atan an hman vang a nih a rinawm.
Journalist te chuan chanchin thlitfim mipuiah an hlui thin a, thlitfimna chang hrelo Journalist chuan a daihrei theilova, ram tan awmzia a neilovin, a hnawksak zawk thin.
Social Media in minrun hnu ah, thlitfimloh chanchinthar kan inhluinasa a, a thatna aiin a thatlohna a tamzawkin a hriat a, kan tualzal nun, inzahdertawnna leh thuhnuairawlhna thlengin a hnawl deuh pawp pawp chu a ni ber a.
Chanchin hrehmasa leh thehdarh hmasa nih chu eizawnna atana hmangte aiin, an tana hlawkna awmmiahlote chu a hmanhmawh zawkah an tanga, mirilru an tihnat leh ram leh khua anmahni vanga a thanmawiloh phah pawh a awm fer fur ta ve ang. Sum hailuihnan a luhchilha Viewer ngah chak luat vanga khawhmuhloh mai pawh awltak a ni.
Social Media hi kan hman fimkhur loh chuan kan inunauna leh inthenawm khawvenna thlenga tichhetheitu a ni a, chanchin puanzar kan chak luat ah a nghawngtur ngaihthah khawp a he Media hi kan luhchilh a nih chuan, keimahni leh keimahni chu ram leh khawtlang timualphotu ah kan tang thuai ang.
Lawngtlai District ah hian rukruk leh tharum thawhna leh dan bawhchhiatna dang dang hi District dang ang bawkin a thlengfo, engatinge National leh State huap Media ah te, tualchhung Chanchinbu ah te a lan foloh, kan Journalist ten mahni mawnghlim kher tul an tihloh vang a nihna laite hi kan thlirthiamsak te pawh a tha in a rinawm a, dawizep vang nilovin, huaisen takin News chu an thup zawk thin.
Social Media luhchilhtuten chintawk i hre deuh teh ang khai.