Lirthei ke hnihnei khalhtute an himzawk nan a thupek dinglai Helmet tha leh him Indian Standards Institute (ISI) chhinchhiahna chuang Beureu of Indian Standards (BIS) in himtawk a a ngaih chauh khumtur tih chu Lawngtlai Traffic Police te chuan vawiin atang khan khauhzawkin enfiah tan a, Lirthei kehnihnei khalh, Helmet himlo khum man an awm nual. Lawngtlai SP chuan kumin March thla khan hrittirna chhuahin May 1, 2023 atangin Helmet himtha chuah khumtur tih chu khuah zawka kalpui a nihtur thu mipui a lo hriattir tawh a, Helmet him leh rintlak ho kawhhmuhna pawh Media kaltlangin SP lam chuan an lo nei tawh bawk.
Additional SP Pu C.Lalruatkima chuan dan bawhchhia zawnchhuah ngawr ngawr a, an chawitur chawitir chu he dan khauh zawka an kenkawhna chhan a nihloh thu sawiin, chetsualna thleng palh theireng a ni a, Helmet him zawk lirthei kehnihnei khalhten an khuma an mahni an himna chu an duhber a nih thu a sawi