Chakma Autonomous District Council Inthlanpui neihturah Candidate 73 an awm.

         May 9 a Chakma Autonomous District Council inthlanpui neihturah Candidate 73 an awm Bial 20 awmna CADC a inthlanna a chuhtuma hming pelut  76 zingah bial pahniha INC in thlavenga an dah  pahnih te chu hnawl an nih hnuah Independent Candidate a chuhtum pakhat  chuan   Returning Officer Pu David Lalthangtluanga hnenah a in hnuhdawk a, tihian tuntum CADC Inthlanah hian Candidate 73 an awm dawn ta a ni.

BJP, INC leh MNF ten Candidate 20 theuh neiin bial awm zawng zawng an chuhkim dawn a, ZPM Party in bial 13 ah candidate an dah.

CADC ah hian Campaign boruak a sang chhotan a, Candidate leh anmahni puitute chuan an bialtur an thutchilh vek tawh a, boruak siam nan kawngzawh leh puipunna huaihawt te chu tun dinhmun ah campaign na hmanraw langsar niin, In tinah lut a an vote dil chu hmanraw tangkai leh hmanrim ber zing a mi a ni mek bawk.

CADC a Chief Executive Member lo ni tawh an awm theuh a, BJP atangin CEM lo ni tawh Amit Kumar Chakma chu Rengkashya bialah a ding   a, INC atangin CEM hlui Adikanti Chakma chu Demdep bial ah a ding  a, MNF atangin CEM lo ni tawh Kali Kumar Tongchangya chu Fultuli bial ah a ding  a, ZPM atangin CEM lo ni tawh pahnih awmin Chhotapansury ah Santi Jiban Chakma, Vaseitlang atangin Bhudda Lila Chakma te an ding.