.jpg)
Mipui lam hi an vanduai khawp mai, kum nga dan ah hmangaih an hlawha, ngaihsaktu an neia, an hmakhua sialsaktutur an inlar thin a, a tak ram erawh hmuhtur tak tak a awm thin silo.
Hei kumin kum tawp lam ah State Assembly inthlanpui hmabak a ni a, tun atangin ram hmangaihtu te an tei leh suau suau tawh mai, tutenge rintlak ang tih pawh hriatthiam a hara, tuna kan ram kaldan ang pet pet hi chuan ram ropui minthlen dawnlo tih erawh a chiang viau thung.
A hranpain mipui hian ngaihsaka, ngaihven hluau an beiseilo, an thawhrimrah hian awmzianeise, neihthinglungkhawnga an fate lehkha an zirtirna te hian lukhawng nei ve se, thawklo theilo, thawhhlawk silo, hetiang a awmreng hi an ning takzet a, Politician te chuan an tan hma an la emaw an tihlaia, mirethei hmangaihtute Bank Account lam a muk tual tual thin ni a langte hi a khamawm takzet.
Ram chu hmangaihtur, tutenge ram hmangaih tak taktu tih chu Voter chuan chhia leh tha a hriat vangin a thliarthiam tur a ngaih a ni a, mahni chhia leh tha hriatna pawh hmang theilova tute emaw thlazar hnuaia in upbet an awm chuan Voter nitlak a nilo ang.
Ram hmangaihtu pung chho thur thur zinga tamtak hi chuan an hmangaih miahlo che tih pawm la, an lakah beiseina pawh i neitlemin a rinawm.