Raltlante Tui leh Electric bill chawitir an ni. Official ten an sawifiah.

Chittagong Hill Tracts a Kuki Chin National Army ten dinhmun sang zawk ngiata an beihna vanga an sahimna zawnga Mizoram a tlanlut, Parva-III a awmte chu Electric leh Tui bill khawn an ni chu khawtlang hruaituten an hriatthiam loh thu an sawi.

Hemi chungchangah hian The Lawngtlai Post in Parva-III khawtlang hruaitute atanga thu a dawndanin, raltlante  khawsak harsa taka an awmlaia Electric chhitman leh Tui hman man chawitir an ni chu hriatthiam harsa an tih thu an sawi a, khawdanga Refugee Camp an biakpawh theih ah te chawitir an nivelo niin an sawi.

Hemi chungchang ah hian Nodal Officer Pi Marilyn Rualzakhumthangi chuan Electric bill chu a hming chauhin, Connection pakhatah  thlakhat ah Rs.50 chawitura tih a nih thu a sawi.

Tui Bill chungchang ah hian PHED a SDO Pu Lalnunfela chuan Raltlanten tui bill an chawi tih chu Sorkar chuan a hriatpuiloh thu sawiin,  WATSAN Committee te ruahmannain tui lakna enkawl nan a khawtlangin an thawhkhawm thin ang, Parva-III  WATSAN Committee ten an lo chawitir ve a nih chuan an Department thuneihna piahlam a nih thu a sawi.

Tun dinhmun ah Bangladesh atanga an sahimna zawnga Lawngtlai District a tlanlut mi 591 an awm mek.