Journalist Pension ataka kalpui tan vangin MJA Lawngtlai District ten lawmthu an sawi.

Mizoram Journalist' Association Lawngtlai District chuan vawiin khan thuchhuah siamin, Journalist Pension a taka kalpui tan a ni chu lawmawm an tih thu an sawi.

MJA Lawngtlai District chuan hunreitak ata tawh nghakhlel taka MJA Member ten an lo thlir, Journalist Pension, mi pariat hnen ah vawiin ah pekchhuah a ni chu, he Scheme a hlawhtlin theih nan a hmalatu Sorkarna lo chelh tawh leh tuna Sorkar dinglai mek chung ah lawmthu an sawi a, Journalist te hmakhua ngaia theihtawp chhuahtu MJA General Hqrs chungah lawmthu an sawi bawk.  

MJA Lawngtlai District chuan Journalist Pension hamthatna dawngtu zingah Lairam Daily Newspaper Editor, Prominent Journalist Pu V.Lal Lianzuala a tel chu lawmawm an tih thu an sawi bawk.

MJA Lawngtlai District chuan Journalist Pension Scheme chu duhthusamlo lai deuh te pawh la awmthei a ni a, changtlung zawka thuamchhoh a nih an beisei thu an thuchhuah ah chuan an tarlang tel.