Royal Enfield Zawlbuk te chuan tunkar chhung hian Mizoram chhimlam ah midang ṭanpuiin Christmas Charity Ride an nei.
Royal Enfield Zawlbuk te hian kumtin vawi thum, miharsa zual tanpuiin chhuah thin nise ti a an ruahman angin tanpuina hi an semchhuak meka, tuntum hi Lawngtlai District bik ah tanpui ngaite an tanpui vawikhatna niin, nizan khan South Lungpher ah riakin, vawiin khan South Lungpher leh Siachangkawn a chhungkaw harsate hnen ah tanpuina an hlan a, nimin khan South Vanlaiphai ah tanpuina an lo hlan tawh bawk.
Tuntum Charity Ride ah hian Member 24 thawkchhuakin, zanin hian South Lungpher ah an riak leh anga, naktuk khian Lawngtlai District an chhuahsan ang.
Royal Enfield Zawlbuk te chuan an tlawh khua ten an lo dawnsawng thain, an thiltih an hlut thiam hle tih an sawi a, lawmthu an sawi.
Tags
News