May 9, 2023 ah CADC ah inthlanpui neih a ni dawn.

Mizoram State Election Commission chuan Chakma Autonomous District Council inthlanpui neih hun atan thlathar May 9 a ruahmanfel.

State Election Commission in ruahmanna a siam ang chuan Member 20 awmna Chakma Autonomous District Council inthlanpui neihtur ah chuhtumte tan April 24, 2023 tlai dar 3 thleng hming a pekluh theih dawn a, chuhtumte chu April 25 an endik a ni anga, inhnukdawk duh tan April 27 chhun dar 12 thleng hun hawn a ni a, Chakma Autonomous District Council a Member of District Council inthlanna atan mipui ten May 9, 2023 zing dar 7 atanga tlai dar 5 inkar ah vote an thlak dawn a, Vote tlate hi May 11, 2023 ah Chawngte ah chhiar a ni anga, vote thlak nawn ngai a awm chuan May 10 ah Vote thlakthat a ni ang.

CADC inthlanpui neihtur puan a nih tak vang hian Model Code of Conduct chu CADC huamchhungah hmantan nghal a ni a, Deputy Commissioner, Lawngtlai District  chu  District Election Officer leh Returning Officer atan ruat a ni a, Additional Deputy Commissioner, Lawngtlai District chu Assistant District Election Officer atan ruat a ni a, SDO (Civil), Chawngte chu Assistant Returning Officer atan ruat a  ni  bawk.