Lai DCC hruaituten Chanchinbumite an kawm.

All India Congress hruaitu, Rahul Gandhi, chunga Surat Court in thutlukna a siam chungchang ah Lai District Congress Committee chuan Politics a inbeihna a inrawlh thuk hle a an hriat thu an sawi.

Vawiin khan Lai District Congress Committee chuan Lawngtlai Press Club ah thuthar thehdarhtute kawmin, Lai DCC hruaitu, Mizoram Pradesh Congress Committee a General Secretary Pu H.Zothangliana chuan BJP kaihhruai Sorkar chu rampumah a theih ang anga inlulingin, mihring dikna chanvo humhalh leh dimdawi kawngah pawh an Party dinchhanna tur ah chuan khua an hmu meuhlo tih sawiin, Pu Rahul Gandhi chunga Surat Court in thutlukna a siam pawh hi, Prime Minister leh BJP Party thiltih dikloh leh kalphung fello Congress Party in a phawrh mualpho hlauh thawnna vanga thiltih a an ngaih thu a sawi a, Prime Minister chu Dictatorship taka rorelna kalpuia, Hindu sakhua dinchannatura hmalakna dahpawimawh a nih thu te, a bikin India rama hnam tenau leh Kristiante tan phei chuan BJP kalphung chu an hmalam kawng tipingtu a nih thu a sawi.

Lai District Congress Committee hruaitute chuan BJP kaldan chu mimal dikna leh zalenna rahbeh kawng ah tihhreh neilo an nih thu te,Hindu nilo tan lek phei chuan BJP hmalakna chu pawm
theih a nilo a ni anti.