LADC Budget Session neih tan ani.

Thlathar April ni 5 thlenga whtur Lai Autonomous District Council BUdget Session chu vawiin khan LADC Session Hall, Lawngtlai ah, Chairman Pu VL Hmuaka kaihhruaina hnuai ah tan a ni.

Session tanni hian Chief Executive Member Pu V.Zirsanga'n kum kallaia sum indaihlohna dilbelhna Supplementary Demand for grant cheng Nuai 2392.9 leh kum 2023-2024 LADC sum hmantur ruahmanna cheng Nuai 21603.22 te House ah a pharh a, Budget thar ah hian chhiah tlingkhawm atanga hmuh beisei cheng Nuai 300 a tel a, kum 2022-23 aiin cheng Nuai 579.26 in a tam zawk.  Budget pharh tak hi Session tawpni April ni 5 ah House ah pass tum a ni ang.

CEM Pu V.Zirsanga chuan Budget thar ah  MDC Local Area Development Fund, cheng Nuai 5 nithin chu Nuai khat a tihpun a ni a ti a, MDC Discreationary Fund pawh tihpun niin, LADC hnuaia Office lian deuh Office Expences cheng Nuai1 chin neite chu 10% ah tihniamin, mipui lam chanturin ruahman a ni a ti.

Tuntum LADC Budget session ah hian Hosue a chhantur zawhna 17 a lut a, naktuk Session ah MDC lo nitawh chatuanram pan mi pathum sunna hun hman a ni ang.