Central YLA hruaitute Myanmar ah lutin Pu B.Lalthafamkima motor an hmu.

March 22 a Myanmar ram chhunga rawng taka thah, Lawngtlai District South Lungpher khua Pu B.Lalthafamkima leh Siaha mi pahnih te thihna kalzel ah nimin khan Central Young Lai Association hruaitute chu Myanmar ramchhungah lutin, Mipui Sipai leh khawtual mi te an kawm.

Central YLA te hi an President Pu HC Vanlalruatpuia'n hovin mi 12 te Myanmar ramchhungah lutin, tunhnaia Central YLA in thuchhuah a lo neihtawh, tualthattute zawngchhuah leh Mizoram mipui himna an duhber a nih thute, raltlante an unaute ah ngaia an tuamhlawm laia, an rulhletna chu hriatthiam theih a nihloh thu te Mipui sipai te hi an hrilh a, Mipui Sipai lam pawn theihtawp chhuaha tualthattute zawngchhuah hna chu an thawh mek thu leh, vanduaina tawkte an tawrhpui takzet thu an lo hrilh.

Nimina Central YLA hruaitute  Myanmar a kalte hian CDF Zophei te leh Nghalang khawtlang te thawhpuina in Pu B.Lalthafamkima motor MZ 03-9720 Suzuki Super Carry chu Nghalang khaw thlen hma Kilometres 7 bawrvel ah kawngthlang feet 130 vel ah an hmu a, nimin lamah motor lakchhuah hna hi thawhnghal nimahse, ruahsur vangin kawngpui hnuhthlen a nilova, naktuk Thawhtanni hian Bualpui Sub Hqrs YLA leh Niawhtlang Branch YLA ten Motor lakchhuak hna hi an thawk chhunzawm dawn a ni.