Tuichawng lei chim vangin Buhfai ah harsatna a awm rihlo

    Tunkar Thawhtanni a Vaseikai leh Longpuighat inkara Tuichawng lei chim vangin DCSO Lawngtlai chuan mipui ten ei leh bar a harsatna an tawhloh nan rawtna, thuneitu sang ah a thlen fel tawh a, tun dinhmun ah Buhfai ah harsatna tawh a hlauhthawnawmloh.

    Pu Lalrinsanga DCSO Lawngtlai chuan The Lawngtlai Post zawhna chhangin, Tuichawng lei chim vang hian Buhfai thiarvelna ah harsatna an tawk nghal tih sawiin, sutkian a nihtheih nan thuneitu sang ah rawtna an thlenfel tawh thu a sawi a, he Lei chim hian DCSO Lawngtlai enkawlna hnuai a awm, khua 14 a mihring 9166 te a nghawng theih vangin buhfai a harsatna an tawhloh nan theihtawp chhuah nghal a nih thu DCSO Lawngtlai chuan a sawi.

    Heng khua 14 a mihring 9166 te hian thlakhat ah Buhfai Quintals 824.81 an mamawh a, tundinhmun ah Damdep Centre ah Buhfai chhekkhawlsa Quitals 3048.54 a awm mek a, Tuichawng lei chim vang hian Buhfai ah harsatna thleng maithei a nihloh thu leh Buhfai tamzawk thawnluh a nihtheih nan hmalakna kalpui mek a nih thu  Supply Department hotute chuan an sawi.