Phawngpui tlanga dan kalha che a puh mi 4 man an ni.

Phawngpui National Park ah Silai hmetpuaka, dan lova che a puh  mi pali chu  Sangau Police ten manin,  Court ah hruai turin buaipui mek a ni.

Nimin khan PC Lalmuanawma S/o PC Ralzama Republic Veng, Aizawl, Lalbiakdika S/O Lalthlamuana Saron Veng, Aizawl, Robert Lalthlamuana S/O Lalmalsawma, Durtlang leh  Lalremkima S/O Siamthanga Saron Veng, Aizawl ni a insawite chuan  Phawngpui National Park hi tlawhin, [The Lawngtlai Post] Far Pak vel ni a hriatah Silai hmetpuakin, National Park ah danlova an chetna Video chu thehdarh a ni a, Pu Rinmuana, Deputy Conservator of Forest, Chhimtuipui Wildlife Division leh a nauten chhuizuiin, Sangau Police ah FIR an thehlut nghal a, hengmite hi Sangau Tourist Lodge ah riakin, tukin khan Police ten an hmanrua nen an
la.

Mizoram a tlangsangber Phawngpui tlang hi Sorkar laipuiin National Park atan a puan niin, ramsa leh nungcha leh ramngaw leh leilung tichereu zawnga khawsak a remlova, tlang lawntur te pawh Forest Department lam phalna lak hmasak vek ngai niin, hmanrua kenluh pawh remtihchin awmsa a ni