MJA ten Parva-III Raltlan Camp an tlawh.

Assam Rifle tlawha Parva a zin Lawngtlai District MJA Member te chuan nimin chawhnu khan Parva a Raltlan awmna hmun an tlawh

Parva-III khawtlang hruaitute, Tuichawng Group YMA hruaitute leh Raltlan paho te nen inkawmhona neiin, Bangladesh atanga an sahimna zawnga tlanlutte chhawmdawl nanSorkar, Kohhran, Tlawmngaipawl leh mimal thahnemtakin tanpuina an pethin chu lawmawm an tih thu an sawi a, heng Raltlante hian mahnia ei an zawn ve theih nan lo te vatin a theih ang angin eizawnna kawng an zawh tan tih an sawi a, tun dinhmun ah Parva-III khawtlangin an tui tlan lai chu Raltlan te nen an khamkhawplo viau niin an sawi bawk.

Parva-III khawtlang hruaitute chuan Social Media lam ah raltlan chungchang tarlan ah rinthu leh zeldin thubawl ang chi awmlose an duh thu Lawngtlai District MJA hruaitute hi hrilhin, tullovah ramri vengtu Sipai leh mipui inkarah harsatna thleng theite a awm thin vangin thu chiang hreduh chuan khawtlang hruaitute bepawp a, thehdarh tur chin leh chinloh thliar hrang thiam turin mipui an ngen.

Lawngtlai District MJA hruaitute chuan raltlante enkawlna leh dawnsawnna ah Parva khawtlang inpekna chu lawmawm an tih thu sawiin, Raltlante chu ram bung  hrang atanga rawnlut an ni a, India ram inenkawlna te District leh khawtlang in enkawlna te zahthiam turin an chah.