.jpg)
Mizorama tlang sangber Phawngpui tlang hi kan hriat angin National Park a ni a, heihian kentel tamtak neiin, khuahkhirhna pawh a khauh viau a ni.
Tunhnai maiah National Park a dan kalha chetna Video thehdarh a ni a, a thehdarhtute hian dan kalh a ni tih an hriat hmelloh laiin, dan chuan a hrelote a humhim chuang silova, man hial an tawk ta a, annilo hi midang National Park a nihna tihmelhem zawnga che pawh an awmfo maithei, chu erawh huaitaka sawingam a ni lo.
Helai tlawhtu tamzawk daih hian National Park a nihna aiin, Mizorama tlang sangber a nihna hi an tlawh chhan a nih a rinawm a, heihi kum tamtak liamhnu ah pawh National Park a nihna a enkawlna tha zawk, tlawh tichakawmtu a awm a nihloh chuan miten an tlawh chhanber tur pawh a nih a rinawm.
Hetiang hi a nih vangin awlsam zawk leh zalen zawka tlawh a nihtheih nan Far Pak leh a chhehvel tal te hi chu a panna te nen hian National Park hian huamlo maise, chu chuan dan bawhchhiatna a titlemin, Phawngpui tlang hlutna pawh a tizualin a rinawm a, khualzin te riahna tur te awm thliah thluah zawk se.
Phawngpuitlang kalkhan ah Gate mumaltak a awm a tul viau tih a hriat a, Social media ah thu inchuh a awm nghala, Gate hi duty in a hawnloh chuan lirthei hmanga paltlang ngawt theihloh a siam a tul tih a lang a, kan thiltawn hian hmalak tulna lai siamthat nan bul min tantirse a duhawm khawp ang.
Engpawhnise, Mizorama tlang sangber hi awmze nei zawka humhalha hlu zawka cheibawla, enkawl a ngai tih hi thil chiang tak chu a ni ang.