Mizoram Journalists' Association, Lawngtlai District chuan Parva-III a Assam Rifle te tlawhin, vawiin khan Assam Rifle ten MJA ten an tlawh denchhenin a thlawna in entirna an buatsaih.
MJA Lawngtlai District te hi an President Lalngheta Ralte chuan hovin mi panga ten Parva hi an tlawh a, Assam Rifle ten lo mikhualin, Assam Rifle hotute chuan ram leh
mipui venhimna kawnga theihtawp an chhuah piahlam ah, Zirna, Infiamna leh hriselna lam ah mipuiin hma an sawn theih nan a theih ang angin hma an lakreng thu an sawi a, thlatin a thlawna mipui hriselna endika, damdawi a thlawna an pek thin thute, Volleyball leh Football Tournament te buatsaihin, mumal zawka thalaiten infiamna lama hma an sawn theih nan an zirtir thin bakah, an mamawhtur hmanrua te an ngaihtuahsak thin thu an sawi.
MJA Lawngtlai District.member te chuan Assam Rifle ten mipui nen boruak thatak neia, mipui dawmkan nan a hma an la thin chu lawmawm an tih thu sawiin, Parva khawtlang hruaitute pawh Assam Rifle ten duhsak taka an enkawlna chu tangkai zawka hman tumturin an chah.
Tags
News