Training hi Nilaini khan loneitu thlanbik te tan KVK Lawngtlai hmunpui, Chawnhu ah neihtan a ni a, tunthla Ni 22 thleng a awh dawn a, Training ah hian loneitute chu Spices, Medicinal and Aromatic plants chungchang te chawhmeh lam chi, thlai hrang hrang, zikhlum, hmarcha, bean, tomato chindan leh hlawkzawk, hrisel zawk bawk si tharchhuak tura tihtur leh tihlohtur te chipchiar takin mithiam ten loneitute an zirtir a, Mizoram University atanga kalte hi Project Coordinator, Professor Rambir Singh, Department of Horticulture, Aromatic and Medicinal Plants, Tanhril, Aizawl chuan ho in, Lawngtlai District ah ramhmul damdawi a tam thu leh loneitute tan eizawnna tha tak a nih theih thu a sawi a, ramhmul damdawi chinpun lam ah tanlak tul an tih thu sawiin, loneituten hriatthiamloh leh hriatbelh duh an neihte zawtin, hlawktakin hun an hmang.
KVK Hall lamah Training neihpui an nih bakah loneitute hnenah Mau hmanga mantlawm zawka Polyhouse siamdan leh Polyhouse a thlai chindan te zirtir an ni a, loneitute huanah kal chilhin, thlai enkawl dan te zirtir an ni bawk.