MJA Serchhip District ten Bangladesh Raltlante an tanpuina Rs.36,126 chu vawiin khan Lawngtlai DC Pu David Lalthantluanga kutah Lawngtlai District MJA hruaituten an hlan.
Kumin Republic Day lawmna chikhat atan Er.F.Sanglura Band leh Serchhip tualchhung zaithiam ten MJA Serchhip District huaihawta Serchhip a Charity Concert an neiha pawisa an hmuh atangin Bangladesh atanga an sahimna zawnga Lawngtlai District a tlanlutte tanpui nan Rs 36,126/- chu Serchhip District MJA te ngenna angin vawiin khan Lawngtlai District MJA te chuan Serchhip MJA aiawhin Lawngtlai DC kutah hian an hlan.
Lawngtlai DC Pu David Lalthantluanga chuan Raltlante tanpui nan a MJA Serchhip kaltlanga mitlawmngai leh inphalte thawhkhawm an dawng chu lawmawm a tihthu sawiin, tangkaitakin raltlan ten an mamawhna zawn ah hman a nih tur thu a sawi.
Tun dinhmun ah Sorkar chhinchhiah danin Bangladesh atanga an sahimna zawnga Raltlan, Lawngtlai District ah mi 531 an awm mek.
Serchhip District MJA te raltlan tanpuina hlanna ah hian DC hi Addl.DC Pu Abraham Beirazi Khithie, Pi Marilyn Rualzakhumthangi, Nodal Officer & Project Director DRDO bakah SDO Sadar Pi TT Beikhaizi leh Lawngtlai DIPRO Pu C.Lalhruaitluanga ten an tawiawm.