.jpg)
Thalai lehkhathiam, hna hmulo an pung tual tuala, Nu leh Pa chhungkua chawmtute tan eizawnna a harsa tual tuala, a taima fal deuh leh thiamthil neite tan lo chuan eizawnna a vangin, sum hailuhna kawng a kaw nep viau tawh tih hi phat rual a nilo.
Mizoram hian enge a mamawh hmasa, enge pawimawh tih hi ram hruaitute chuan an ngaihtuah pha tih a chianga, kan mamawh hmasa aiin thildang hi buaipui hmasakah an nei em aw tiin ngaihtuahna a sen vak theih awm e.
Infiamna hmunhma leh hmanrua te hi kan mamawhlo a ni miahlo, riltam chungin, eitur dapchawp ngai, mahni intodelh silova, infiamna hmunhma leh hmanrua changkang tak tak neih ngawt hi kan mamawh hmasa leh kan dinhmun siamremna atan thil tangkaitak a nih a rinawmloh.
Heng Infiamna lama hmasawnna tura rahbi thar hian hnathar engzatnge a siam theih anga, mibik chherchhuahna tur nilo, a nawlpuia thalai ten sum hailuhna kawng an zawh theihna tur hi a titheituten ngaihtuahin, ngai pawimawh hmasa se a duhawm khawp mai.
Kan State inrelbawlna leh mipui tana hna an thawhna ah hian, mipui hmasawnna tak tak aiin, mipui thlunbehna tawktarh eng eng emaw hi Political Party tin hian hmatheh ah an hmang chho ang tih a hlauhthawnawm a, kan inherrema, kan insiamrem loh chuan, kan duhber te hi kan vote lo fo anga, chu chuan mipui dinhmun a benghniam tual tual ang tih a hlauhthawnawm in a hriat.