Kum dang anga an mahni ram ngeia hun an hman theih loh laiin, Chin National Day vawi 75-na chu nimin khan Central YLA Playground ah hlim taka hman a ni.
He huna khuallian LADC a Executive Member Pu JB Vanhoy chuan mi pamham te avangin mahni khua ah pawh awm theilo in, Sahimna zawng a India ram ah tlan chhiat angai chu a lungchhiatthlak tih sawiin, Chin National Day chu hmun hrang hrang a Chin fate chuan an hman ngei a beisei thu a sawi a, Chin hi Khawvel huap ah hnam tlem kan ni a, kan awmna apiangah Pathian tih leh a duhzawng anga kan awm chuan hnam ropui takah min dah thei a ni tih hria ila, Myanmar ram buaina te pawh hi Pathian hnenah kan thlen mawlh mawlh a ngai a, Pathianin kawng tha zawk a la hawng ngei ang a ti a, hnam Pasalthate, Rorelna tha a awm theihna tura Myanmar Sipai sawrkar beitute kan hrereng a, hnam sipaite thisen hi a thlawnin a luang lovang. zalen takin kan ram ngei ah in la haw leh dawn ani a ti bawk.
Chin National Day lawmna ah hian Raltlan Camp hrang hranga awm ten hnam lam chi hrang hrang an entir a, Zaithiam zai te ngaihthlak niin, Chin National Day denchhen a February Ni 14 atanga Sport an neih chu lawmman semna neih ani bawk.
Tun dinhmunah Lawngtlai District chhunga Myanmar tualchhung buaina avanga Raltlan hi mi 5901 an awm mek.