.jpg)
Central YLA chuan kawngpui rotling kan neihtheih nan hmalakna a kalpui renga, hman deuh khan a nihdantur ang nilova lungrem pawh hnathawktuten an thiat nghe nghe a nih kha.
Thlahlui a MJA Lawngtlai District Annual Conference ah pawh Kawngpui rotling neih an duhthu Resolution siamin an passed a nih kha.
DC thar in min awptan chauha, kawngpui chu ngaihpawimawh hmasakah neiin, Inrinni khan Lawngtlai atanga Lunglei kawng, District Ramri thleng a enfiah nghala, hnathawktuten hna an thawhchak theihloh chhante a hmun ah a en a, chinfel a nihtheih nan ruahmanna pawh siamin reiloteah hmalakna nasa zawk pawh a awmthei tur ah ngaih a ni.
Tuna kawngpui siam a nihlai hian, mipui lam in an vilpui a ngai tih a lanchianna chu Lawngtlai leh Kawlchaw inkar a lungrem, thiah ngai a awmte khan a tifiah a, mipui aiawha ding YLA in hma a la hi a thlamuanthlaka, Sorkar lam a District paber DC in ngaihpawimawh hmasaka a neih chat hian thla a ti muang viau bawk.
Thir chu a lin laia den tur an ti a, kawngpui pawh siam a nihlaiin a nihdantur anga siam anih leh nihloh vil hi a pawimawh a, a mampur laia infak ngawtte hi tehfung lek hun niin a lang lova, hmelmawi ringawt aiin, kawngpui tlo leh tha mamawhna a lian zawk a, hnathawktute kan fak duh a nih paw’n, nghak hret ila, fakphu erawh fak hrehlo thung ila, a phawvuaka invaivunga tiliam puat puat ngailo Central YLA in kawngpui a vil ulukzia hi hretlang ila, tan la sauh sauh teh se.