.jpg)
Nimina State Day lawmna ah Lawngtlai DC chuan, Lawngtlai District ah ziak leh chhiar thiam tlem lutuk chu hmasawnna daltu a nihtheih thu leh tan lak tul a tih thu a sawi a, tuna kan DC chauh hi helam vei a nilova, mipui chunglam a ngaihte chuan Ziak leh chhiar thiam lama Lawngtlai District a hniam lutuk hi an vei takzet a, hmalatheitute hmalakna duhkhawplohna pawh a lianin, a bikin Primary leh Middle School Education enkawltu ADC te demvak mai pawh thil awltak a nihna lai a awm thei awm e.
Ziak leh chhiar thiam hi Mizoram ah 91% niin, India ramah pathumna a ni a, District hnufual Mamit District chu 84% niin, ADC nei ve tho Siaha chu 90% niin, Lawngtlai District chu 65.88% a ni a, he tehfung atang ringawt pawh hian hmala theitu tan thutmuan chi a nilo tih a chiang awm e.
Sawitam ngailova langchiang, Lawngtlai District pawthniamtu chu CADC Area leh LADC Area ah pawh hnam hnufual zawkte awmna lai a ni a, heitak hi beihpui thlakna in a tinzawn fuh a tula, a biktaka hmalakna hi an mamawh takzet tih a chianga, hetiang zawnga Education System hi herrem emaw siamdanglam emaw a tul a, hmalakna pangngai ringawt hi chuan awmzia a neihthuiloh zia hi a langchiang viaua, hmasawn tur chuan tuna tihdan pangngai nilo deuha ruahmanna siamthei ten an siama, beihpui thlakna kalpui hi a tul khawp mai, hmasawn aiin kan hniam chho zawk ang tihte pawh a hlauhthawnawm theihna lai te pawh a awmin a rinawm.