Ditlang South bialtu MDC in Ram Hactare 30 sem.

Lai Autonomous District Council a Executive Member, Diltlang South bialtu MDC Pu HC Lalthawmliana chuan nimin khan Diltlang South khua, ram neilo mi 30 hnen ah ram Hactare khat theuh a sem.

Pu HC Lalthawmliana chuan mi harsa zawk, leilung behchhana eizawng, ram neilo ten ram an neih ve theih nan Diltlang South   huamchhungah kum kalta khan ram tehthat hna ama hovin an tan a, ram neitu ten an  ram pass aia zau ram an valh  te zawngchhuakin, Pass in a haumbak chu Sorkarin chhinchiahin, leilung behchhana eizawng leh ram neilo te hnen ah sem a ni ta a ni.

Ram semna  ah hian Pu HC. Lalthawmliana chuan hun kal tawh thlir letin he Diltlang Bial hian vawi tam tak Ar Bawmah Sanghar kan lo lawi fo tawh thin a. Chung mite chuan kan ram leilung nasa taka suasamin, min lo rawk tawh thin a , mahni inhaivur nan te, chhung leh khat insiam len nan te an lo hmang a, chumi tilang chiang tur chuan tunah ngei pawh kan khaw ram leilung ngei pawh, khaw dang mi ramah a chang nual  a, tunah erawh thil inthlakthleng chho mek a ni a ti.