Lai Autonomous District Council a Chief Executive Member, Pu V.Zirsanga'n vawiin khan Lawngtlai a Building pahnih Tribal Girls Hostel, Skill Development & Training Cenre leh Vawmbuk khua a mi Community Centre a rualin a hawng.
Building pathum hawnna inkhawm Lawngtlai Vengpui a Tribal Girls Hostel a neih hi LADC a Planning & Development Officer Pu V.Vanlianhrin chuan kaihruaiin, CEM, Pu V.Zirsanga chuan hmasawnna duhawmtak mai ramin a neihbelh chu lawmawm a tih thu sawiin, hnathawktuten thataka an thawh chuan ram rotling hmasawnna a awm thin a ni, a ti a,Sorkar hmalaknate chu mipui nawlpuiin hreveklo mahse mitamtakin an tangkaipuiin hmasawnna rahbi an rah phah thin tih sawiin, cheng Nuai 950 senga Building pawimawh tak tak pathum sak te chu mipui lam tan a tangkai hle dawn a ni ati.
Lawngtlai Vengpui bialtu MDC, LADC a Chairman Pu V.L.Hmuaka chuan an huamchhunga mi 50 lenna tur, Tribal Girls Hostel a awm chu lamwawm a tih thu sawiin, a enkawlzui leh vilvenna ah veng chhung a Tlawmngaipawl leh Village Council te an pawimawh hle dawn tih sawiin, Lawngtlai District chu ziak leh chhiar thiamlo tamna a nihna pawh he Hostel hian engemawchen a tihziaawm theih a beisei thu leh a bikin hnam hnufual zawk ten zirna lam ah hmasawnna bungthar an neih theihnan hmangse a duh thu a sawi.
Building pathum sakna tur hian Ministry of Tribal Affairs atangin Tribal Sub Scheme atanga cheng Nuai 950 hmuh atanga LADC enkawlna hnuai ah Contractor, VRS Construction & Consultancy, Aizawl ten sa in, Tribal Girls Hostel hi cheng Nuai 350 senga sak niin, Building dang pahnih hi Nuai 300 ve ve senga sak a ni a, hna hi November 2019 ah tan in, Lawngtlaia Building pahnihte chu 2021 khan zawhfel niin Vawmbuk a mi chu February 2022 khan zawhfel a ni tih Techinical Report ah tarlan a ni.
Tags
News