Editorial || DILTLANG SOUTH A RAM SEM HI.

Tunhnai mai khan Diltlang South bialtu MDC, LADC a Executive Member chuan Diltlang South khawmi ram leilung behchhana eizawngte hnen ah Ram Hactare khat theuh a sem a, ram tehthat a nih atanga ram awl hmuhchhuahte chu mipui ah sem a ni.

Thil hi a titheituten an tiha, ngaihpawimawha an neih chuan thiltha tak tak tihtur hi a tam tih a chianga, tuntuma ram sem a nithei ringawt pawh hian huamzau zawkin ram hi tehthat nise, pass aia zau ram hauh, laksaktur hi LADC huamchhungah hian a awm nualin a rinawm a, ram neitu a inchhalte kut atanga laksak ngawt lo deuh pawn, an ram pass mila chhiah an chawi theih nan tal ruahmanna pawh chaktaka bawhzui nise, chu chuan ram neih lamah bungthar min chuankaipui ngei ngei in a rinawm.

Mihausa leh tihthei deuh ten ram zau tak tak an nei ngawt hi inhnialna tawp theilo thlentu a ni a, an neihna chhan a zirin laksak emaw kawng danga hmalakdan hi hruaituten an hre em em ang tih a chianga, Diltlang khua ah an bialtu MDC hova hma an lakna hian bial dang pawh kangkai thuai thuai sela, miharsa zawk, leilung behchhana eizawng ten rahbi thar an chuankai theihna hmanraw thatak pawh a nih a rinawm.