Bangladesh atanga an sahimna zawnga Lawngtlai District chhunga tlanlut, Parva-III a awmmek te chu Lai Autonomous District Council a Executive Member, Pu HC Lalthawmliana chuan Lok Sabha MP, Pu C.Lalrosanga aiawhin a tlawh a, Pu HC Lalthawmliana hian Parva-III hi Inrinni atang khan thutchilh.
Pu HC Lalthawmlaina chuan State Sorkar chuan Bangladesh atanga raltlate chu theihtawp chhuahin a ngaihtuah tih a sawi a, Lok Sabha MP Pu C.Lalrosanga pawhin raltlante dinhmun hrechiang turin a hmun ah mah chu a aiawha a tirh thu sawiin, Parva-III a BRTF kawng leh Primary School inkar kawng siam nan MP Fund atangin Cheng Nuai 5 a ruahmansak thu te, Rural Development Minister Pu Lalruatkima pawn Cheng Sing 2 a lo pek tawh thu te a sawi a, Sorkar chuan raltlan ten harsatna an tawhte sutkian a nihtheih nan kawng hrang hrangin hma a lakreng thu leh Mizoram mipuiten thinlung taka an lo dawnsawn thin thu te sawiin, riltam manganga an awm kan phal dawnlo a ni a ti.
Pu HC Lalthawmliana hian Parva-III a Raltlante awmna hmun te tlawhin, khawtlang hruaitute nen an mamawh te an sawihova, Tui leh eng an mamawhna a san vangin a theih ang angin mawhphurtu Minister te biain, tui leh eng a harsatna an tawhte sutkian a nihtheih nan hmalakna kalpui mek a ni bawk.
Parva-III khawtlang hruaituten an sawidanin tun dinhmun ah Parva-III ah hian Raltlan 214, chhungkua 54 an awmmek.
Tags
News