Lawngtlai DC in Chawngtea hmunpawimawh te a tlawh.

Lawngtlai Bawrhsap leh CADC Caretaker nibawk, Pu Amol Srivastava   chuan vawiin khan  Chawngte a hmun pawimawh hrang hrang a tlawh.

Governor in  Chakma Autonomous District Council  Sorkar thiata, CADC enkawltur a tih Caretaker,  Lawngtlai Bawrhsap Pu Amol Srivastava chuan Chawngte a zirna in leh hmun pawimawh hrang hrang a tlawh a, Eklavia Model Residential School building la luah loh chu tlawhin,   Principal Pu Lalhrezuala Fanai leh a thawhpui ten an lo dawngsawng a, Govt. Higher Secondary School leh Govt. Kamalanagar College a tlawh bawk. DC hian CADC Secretariat Building sakmek pawh a hmunah kalin a enfiah a, NABARD sum cheng Nuai  810  hmanga thawhmek,  Chawngte Rural Drinking Water Supply Scheme pawh a hmunah ah a enfiah bawk.

DC Pu Amol Srivastava hian School naupang 500 awmna Public School ah kalin naupangte a kawm a, DC hi Chawngte SDO, Dr. Manesia Khaimeichho leh CADC a Official pawimawh ten an tawiawm.

Pu Amol Srivastava hian nimin khan  Chawngte a tlawmngaipawl hruaitute a kawm a, tlawmngaipawl hruaitute chuan Chakma Autonomous District Council inthlanpui chu  kumin April thla hma a neih an duh thu Lawngtlai DC hnen ah hian an lo thlen.