Chittagong Hill Tracts a Kuki Chin National Army ten thuneihna sang zawk an ngiat vanga buaina thleng vanga Bangladesh atanga an sahimna zawnga Lawngtlai District chhunga tlanlut chu mi 372 an tling tawh.
Kum kalta 2022 November 20 khan Raltlan 274 chuan Parva-III an thleng ana, hemi hnu hian tumli rawnluh belh leh in, tunkar Ningani khan mi 45 rawn lut lehin kumin 2023 chhungin mi 62 an rawn luhbelh tawh tih Border Security Force hotute chuan an sawi.
Heng raltlan te hi nikum December thla khan Lawngtlai District chhung, Vathuampui, Chamdur Project leh Mautlang ah te engemawzat sawn an ni a, tun dinhmun ah Parva-III bikah Raltlan 212 an awmmek.
Raltlante hi a tlangpuiin, nunau leh kum lama upa deuh tawh te an ni deuh vek a, Sorkar chuan a theih ang angin chhawmdawl hna an thawk renga, Tlawmngai pawl leh an belh khua ten chhawmdawl hna hi kawng hrang hrangin an thawk reng bawk.
Tags
News