Vawiin khan Er Laldawngliana Sr. Executive Engineer, Lawngtlai Power Division chuan, Lawngtlai leh Chawnhu a line staff duty-te leh Control Room duty te, JE chin hnuai lam zawng kokhawmin, țha zawk, dik zawk, hlawk zawk leh him zawka hna an thawh theih nan leh chet sualna a thlen tawh loh nan, tihtur leh tihlohtur te kimchang takin a zirtir.
He huna tel Control room leh Line a duty te chuan mamawh leh harsatna an neihte sawiin, Pu Laldawngliana chuan a theih ang anga mamawh an neihte ngaihtuah a tum thu sawiin, an hna chu anmahni hnathawktute mai nilo, mipui tan chhiatna lianzawk thlen thei a nih vanga, englaipawh a fimkhur a ngaih thu te, rikrum thil leh hmanhmawhthlak tak tak ah te, chhun leh zan pawh sawilova thawhngai a nih pawn, hnathawktute chuan rilrufim puchunga, tihtur leh tihlohtur an hriatchian deuh deuh a, an ngaihpawimawh hmasak a ngaih thu Sr.Executive Engineer chuan sawiin, Controlroom leh Line a duty thinte chu nasa zawka tanla turin a chah.
Tags
News