Paithar Group Young Lai Association leh Paithar tlangdung VC Association ten vawiin khan October 14 a Current man vanga Rulkual khaw mi pathum thihna leh midang pahnih hliam an tawrh chungchangah Power & Electricity Lawngtlai Division leh Lawngtlai SP Office an dawr.
Pu Laldawngliana Sr.EE, P&E, Lawngtlai Division chuan Paithar tlangdunga Bungtlang South Power lakna hruipui kaltir chu Sorkarin KMMTTP kawngpui kamah sawn a remtih thu leh Survey neiha, Detail Project Report siamturin hmalakna kalpui mek a nih thu khawtlang hruaitute hi a lo hrilh a, zangnadawmna chungchang ah vanduaina tawktu lamten thilpawimawh tihfel ngai an neihte an tihfel hnu ah Department chuan theihtawp chuaha an lo bawhzui tur thu a a sawi.
Paithar Group YLA hruaitute leh Paithar tlangdung VC Association te chuan line siam a nihlai atanga vanduaina a thlen an lo hlauhthawn tawh thu leh thuneitu lamah pawh vawi engemawzat an sawi tawh Sorkarin ngaipawimawh a hmalakna kalpui a tum thu lawmawm an tih thu an sawi.
October 14, 2022 a Power line chhia siama thawkchhuak, Rulkual khaw mi pathum in nunna an chanphah chungchangah Lawngtlai SP an hnu ah khawtlang hruaitute chuan, vanduaina thlenna chhan kimchang taka chhuichhuah a nihtheih nan FIR thehluhthat leh nise an ti.
Tags
News