Chin Refugee ten Delhi a Kut an hman West MLA in a hmanpui.

         Lawngtlai West bialtu MLA Pu.C.Ngunlianchunga chuan Delhi ah Chin  raltlan ten Kumthar lawmna THO FESTIVAL an hman chu vawiin Inrinni hian khuallian niin a hmanpui

         Pu. C. Ngunlianchunga chuan  Chin unau Laifaten an raltlanna ah pawh hnam ziarang, culture humhalh nan hetiang Kut  ropui tak   Delhi   ah   a tumhnih nan an buatsaih thei chu lawmawm a tih thu a sawi a, khawihmun ah pawh awmmah ila, Lai kan nihna vawnnun reng a pawimawh tih Pu C.Ngunlianchunga chuan sawiin, humhalh leh humhima, chhawmnungtu kan nih theuh a tul a ni a ti. 

        Lawngtlai West MLA chuan kan awm na   apiangah khua leh tui tha ni tur in ram dan leh hrai te zahin zawm ila, an tan thian tha , an rintlak Lai  hnam hming ti mawitu nih i tum theuh tum turin Kut hmangtute sawmin, hlim taka kut hmang turin duhsakna ahlan.

        C. Ngunlianchunga chuan   Chin  unaute  ram   buai vanga hmun hrang hranga awmdarh a ngai chu pawi a tih thu sawiin,  khawihmun ah pawh awm ila unau kan nih na vawngnung in  in hmangaih tlat ila,  khawi ramah pawh awm ila kan hnam tawng hi i humhalh tlat ila, innghahna tlak Pathian malsawmna dawngtlakin  hna thawk ila,    Pathian  bel tlat ila, chu chu Lai hnam dinchhuahna tur leh himna tur a ni a ti.