Pu HC Lalthawmliana'n Departmental Store a hawng.

        Hnam ziarang leh tawng, hnam thuam te humhalha chawinung turin LADC Sorkar chuan theihtawp a chhuah, Pu HC Lalthawmliana, LADC a Executive Member, Commerce & Industry changtu chuan a ti.

        Vawiin khan Lai Autonomous District Council hnuaia Commerce & Industry Departmental Store, Council Veng Lawngtlai ami a hawnna ah Pu HC Lalthawmliana chuan hnam fing apiangin hnam thuam, tawng leh hnam ziarang humhalh leh chawinun kawngah tan an la nasa tih sawiin, Lai hnam chu thuam leh ziarang hausa, tawng hrang nei a ni a, Commerce & Industry Department chuan Lai Hnam thuam chawilar a, miharsa deuh pawn an leitheih turin Departmental Store ah zawrchhuah a ni dawn tih a sawi a, LADC Sorkar chuan kartin Nilaini apiangin Lai Hnam thuam inbel tur a tih chu thawktuten an zawmtha a, hmundang atanga lokal leh Lai hnam thuam leiduh tan hrim hrim pawh awlsam leh tlawm zawka an leitheih nan Departmental Store chu hawn a ni a ti.

        LADC hnuaia Commerce & Industry hian Puan tahna hran neiin Instructor leh Designer pakhat ve ve bakah puantahtu 14 an awm a, heng zinga pahnih chu Aizawl ah Bag thui zirin an tir chhuak mek.