Inrinni zingkar khan BJP,Lai Autonomous District buatsaihin Areopagy ah vantlang inkhawm neih ani a, Pu Vanlalhmuaka President Mizoram Pradesh BJP chuan Kum 2023 Mizoram Legislative Assembly inthlanpui neih turah, BJP chu Mizoram Sawrkarah an tel dawn tih sawiin, Sawrkarna siam turin BJP chu a inpeih tawh a ni ati.BJP chuan mirethei leh khawsak harsa, hnamhnuaihnung zawkte chawikan hi a tum ber ani a, Kristian tan BJP chu a hlauhawm ti a Party thenkhatin thu an thehdarh thin chu pawi atih thu sawiin, BJP hi engtiklai mahin Kristiante tan a hlauhawm ngailo a, Kristian ram tan pawha hmasawnna thlentu a ni zawk ani ati. Pu Vanlalhmuaka chuan Autonomous District Council tana hamthatna tur leh thuneihna sang zawk an neih theihna tura 6th Schedule siamthat rawtna pawh a hlawhtlinna hmel kan hmu tep tawh a, Lai District mipui ten lawmthu sawina chang kan hriat a pawimawh a ni tiin, Mizoram a rorel lai MNF Party chu na taka beiin, pukchawp hmanga ba tamtak nei Sawrkar a ni a ti a, MNF Sawrkarna hnuaiah, eng hmasawnna mah Mizoram hian a hmu dawn lo a ni ati bawk.
Vantlang inkhawm hi Pu NC Muankima, General Secretary chuan a kaihruai a, Pu Sapliana Vandir President bakah, Pu F.Rohnuna, Adviser BJP LAD te chuan thusawina hun hmang bawkin, Pu TT. Nohmung, Adviser, BJP,LAD chuan lawmthu sawiin Vantlanginkhawm chu a titawp ani.
