Vawiin khan Lai Autononmous District Council a, Information & Public Relations enkawltu, Executive Member, Pu Lalropuia Chinzah chuan MJA Lawngtlai District hruaitute hnen ah, LADC Sorkarin Journalist Pension Fund atan a ruahman Cheng Nuai 1 leh singnga a hlan.
Pu Lalropuia Chinzah chuan Pension fund ah pawisa tamzawk dah duh mahse, sum harsatna vangin an dahtam theilo tih sawiin, kum hmasa lam nena khaikhin chuan za a sawmnga (50%) laiin kumin hian a pung a ti a, MJA Lawngtlai District ten LADC Sorkarin chhawmdawlna tur a pekte tangkaitaka hmanga Pension Scheme thatak siama, an member te tan pawisa an khawlsak chu lawmawm a tih thu a sawi.
MJA Lawngtlai District hruaitute chuan Journalist te chu khawsak harsa ve tak tak, theihtawp chhuaha chanchinbu hmanga ram tan rawgbawl hna thawktu an ni tih LADC Sorkar in a hrechiang chu lawmawm an tih thu an sawi a, Mizoram ah Journalist Pension neithei awmchhun an ni chu LADC Sorkar in chanchinbumite a ngaihpawimawh zia tilangtu a ni an ti.
Kumtina LADC atanga pawisa an dawn thin chu MJA Lawngtlai District chuan Pension Scheme mumaltak siamin, member te Bank Account ah an doletna nen an khawlsak thin.
He hun ah hian Information changtu Executive Member hi Pu HC Vanlalruatpuia I&PRO in a tawiawm.
Tags
News