.jpg)
Nitinin Ruihhlo man thawm hriattur a awm chho deuh reng a Central YLA DRS hnena tanpuina chhunglut hriattur a awm deuh reng bawk a, ruihhlo do nan kil hrang hrang atangin beihpui thlak chhoh a ni a, khawpui hmelhmang pawh a danglam chho mek a, tualchhunga awmsa bakah, a luhna kawngka pawh danpin thuai a ni ngei ang.
DRS ten ruihhlo ti thin leh zuar an mante hi tun angzela hmalakna a chakchho a nih chuan dahna tur an awmlo thei mai ang tihte pawh a hlauhthawnawm rum rum a, Lairam Rescue Centre ah hian mi 10 chuang awrh enkawl thei a ni a, heihian mamawh a phuhruzolo viau a, Sorkar hian ruihhlo ngaite enkawlna tur hi a ngaihtuah a tula, heihi englaipawha kan mamawhzui reng tur a nih a rinawm. District Jail te hi a awmtheitur bitukzat dahtheihna a ni em tihte pawh enfiah atan a tha in a rinawm.
Kohhran lam pawn DRS ten ruihhlo ngai an man, Jail a dahluh vek remlo engemawzat an awmthei a, hengho hian nunthar an neihtheih nan a lo enkawl hi inhuamse, Kohhran mal te te a hmalak a har a nih pawhin, Kohhran Hruaitu Committee ten helam hawia hmalakdantur hi veiber ah neitheise a duhawm khawp ang.
Lalpa rinchhana hmalakna kalpui a nih phawt chuan, ruihhlo ngai enkawl tur hian Kohhran intelkhawm aia rintlaktur leh daihrei tur hi an vang viau maithei.
Kiltin atangin DRS tha tichaka, awmzenei zawka ruihhlo do hi kalpui a nihtheih nan ngaihtuahna seng ila, Covid 19 vanglai pawn 4C te pawh kan neithei ang deuh khan, ruihhlo ngawlvei leh a timite enkawl lailawkna tur hi a tithei ten veiber ah neise a duhawm khawp mai.