Editorial || ENGTINNGE KAN TANRUAL ANG ?

Central YLA Drugs Reduction Squad ten hmalakna an kalpui mek ah, ruihhlo thahnemtak, a pawisa a chantir phei chuan chengt amtak hu an man tawh a, hetiang khawpa Lawngtlai khawpuia ruihhlo mantur a awm hi ringphalo tamtak a awmtheih hialin a rinawm.

DRS tanpuina pawh a lut deuh renga, a lawmawm takzet a, tunah chuan DRS ten an mamawhber ni a lang chu mipui lam atanga thawhpuina niin a hriat a, engtinnge kan tanrual tak ang ?

Lawngtlai khawpui hi hetia thlir tawp chuan khawpui a zauvin mihring cheng an tam a, ruihhlo zuar dapchhuah hi hautak viauturin a lang a, mahse, veng hrang hrang a awm a, veng hrang hrangah pawh kawthler leh YLA Section angten thensawm a ni leh a, hengah hian hruaitu tha tak tak an awm vek a, hemipiahlamah hian, chhungkua awmkhawmin khua hi a siam a ni a, chhungtinten ruihhlo do hi an thlawp takzet tih lantirna awlsam tak chu, ruihhlo zuar an hriat leh rinhlelhawmte, DRS hnena thlen zung zung hi a ni.

Bible in mahni vengte heklo tura mintih hian, heng thilsual titute a dotute hnen a hriattir hi a huamlo tih hrenawn ila, DRS hi chhungtinten kan puitheilo a nih paw’n, Lawngtlai khawpuia cheng chhungkua, ruihhlo do tha ti em emtu tamtak te hian, DRS te kan tanpui theihdantur kawng hi zawhfuh ila, awmzia a neihthuizia chu reilote ah a lang ngei ngei in a rinawm.