Dated Lawngtlai the 30th September, 2025
HRIATTIRNA LEH NGENNA
Thingtâm avanga Mizoram District thenkhatah Sazu a puang nasa a, Lunglei District Agriculture Office chuan tun Zirtawpni, October ni 3, 2025 hian khaw thenkhatah sazu hrai runpui (mass poisoning) an kalpui dawn a ni tih thuchhuah a siam hial a ni. Lawngtlai District-ah pawh Sazu hi puang thei reng a ni a, he hriattirna hi kan tan a pawimawh hle a, Sazu hrai hi mihring tan a hlauhawm avangin kan fimkhur a ngai a ni.
Chuvangin, the Lai Autonomous District Council (Public Health and Sanitation) Rules, 2014, Rule 18 & 19 in a sawi angin, mipuite himna turin hetiangin a hnuai hming sign-tu hian hriattirna leh ngenna a ti chhuak.
1. Mipuite kan himtlan zawkna turin he thuchhuah ni a tangin Lawngtlai khawpui chungah Sazu leh Chepa lam chi reng reng, a rep emaw a sa emaw, a thi leh a dam pawh a ni se zawrh khap a ni.
2. Sazu hrai ni atang hian District dang atanga Sazu, Chepa, etc. a rep emaw a sa emaw, a thi leh a dam pawh a ni se, lei leh ei loh hram hram tur a ni.
3. District dang atang a Sazu rep emaw a sa emaw, Lawngtlai lama thawn luh leh zawrh chhuah phal a ni lo.
4. Kan him tlan zel theih nan mipuite chu he hriattirna pawimawh tak hi zawm theuh turin kan ngen e.
Heng thupek zawmlote chu enzui a ni ang a, Lai Autonomous District Council (Public Health and Sanitation) Rules, 2014, Rule 34 in a sawi angin action lak zui a ni ang.
Sd/-C. Lawmsangzuala
Sanitation & Waste Management Officer,
Lai Autonomous District Council, Lawngtlai.
I&PR (LADC) No.80