Nimin Dt 27/10/2022 khan Mizoram MP Pu K.Vanlalvena leh MLA pahnih Pu Dr K.Pachhunga leh Er.H.Lalzirliana ten Union Ministry of Civil Aviation Additional Secretary Pi Isha Padhee I.A.S chu a office chamberah an kawm a,Mizoram chhim lamah Airport siam a nih theihna a tana hma la tura ngenna tawngka leh ziakin an thlen a ni.
Mizoram MP leh MLA te hian KMMTTP zawh a nih hunah chuan Mizoram chhim lam chu NE state te tan kawt chhuah pawimawh a nih dawn avang te leh ram venhimna atan Mizoram chhim lama Airport siam chu tihmakmawh a nih thu Aviation official hnenah hian an thlen a.Pi Isha Padhee IAS chuan kumin October thla chhung ngei hian India ram state hrang hrang Aviation Minister te Delhi ah meeting neih tur a ni a.He meeting ah hian sawi chhuah atan chhawpchhuah a nih tur thu Mizoram aiawh te hi a lo hrilh a ni.
Union Minister leh Secretary te zinbo lai a nih avangin an aiawhin Additional Secretary hian Mizoram MP leh MLA te hi a lo dawngsawng a ni.