Editorial || FERRY AH CHHANCHHUAHKTU DAH THEIH NISE.

Tuipui Ferry ah hian lui a chetsualna leh vanduaina lian zawk thleng hriattur a awm fova, nunna hlutak tam tak kan chanphah tawh a, a pawitakzet a, vanduaina thleng thei laka invenna lam hi a titheituten an ngaihven a tul viau in a hriat ani.

Khua a tha chho anga, kumtinin Tuipui Ferry hi mitamtakin an pankhawm a ni thin a, tunah phei chuan kawngpui a tha chho zela, helai hmun pantu hi an tam tulh tulhin a rinawm a, chetsualna pawh hi a thleng zuizello ang tih a sawitheih loh.

Titheih nisela chuan, LADC leh MADC Sorkar pahnih hian, kumtluana an titheilo a nih pawhin, mipui mimir in helai hmun an pankhawm tam hunlai, thal lai chauh tal hi chuan, chhanchhuah hna thawktur pali, panga ve ve emaw ruai thei sela, mumaltakin Sorkarin kal phalna chin siamin chumi huamchhunga chevelte chu vil thei sela, chu chuan vanduaina thleng theitur pawh a tihziaawm phah ngeiin a rinawm.

District Council anga hmalak a harsa deuh a nih pawhin State ah DM&R nen tangrualin  hmanraw tha zawk nen helai hmun ah hian inchhawp theih nise a duhawm khawp ang.